12-MAY — XALQARO HAMSHIRALAR KUNI

12-MAY — XALQARO HAMSHIRALAR KUNI

👩‍⚕️Har yili 12-may sanasi butun dunyoda Xalqaro hamshiralar kuni sifatida keng nishonlanadi. Ushbu sana hamshiralik ishi asoschisi Florens Naytingeyl (1820–1910) tavallud topgan kun munosabati bilan belgilangan.

📆Xalqaro hamshiralar kunini tashkil etish tashabbusi 1899-yilda tuzilgan Xalqaro hamshiralar kengashi tomonidan ilgari surilgan. Mazkur tashkilot hamshiralar mehnatini qadrlash va ularning jamiyatdagi o‘rnini mustahkamlashga xizmat qilgan ilk professional uyushmalardan biri hisoblanadi.

📈1912-yilda Xalqaro Qizil Xoch qo‘mitasi tomonidan hamshiralar uchun eng nufuzli mukofotlardan biri — Florens Naytingeyl medali ta’sis etilgan. Ushbu medal urush va tinchlik davrida fidoyilik, jasorat va insonparvarlik ko‘rsatgan hamshiralar hamda tibbiyot xodimlariga topshiriladi.

💎Bugungi kunda hamshiralarning mashaqqatli va sharafli mehnati butun dunyoda yuksak qadrlanadi. Ular inson salomatligini asrash, bemorlarga mehr va g‘amxo‘rlik ko‘rsatishda tibbiyotning eng muhim bo‘g‘inlaridan biri hisoblanadi.

📌Yurtimizda ham 12-may — Xalqaro hamshiralar kuni munosabati bilan o‘rta tibbiyot xodimlarining zahmatli mehnati e’tirof etilib, ularga alohida hurmat va ehtirom ko‘rsatiladi.

🌸 Fursatdan foydalanib, barcha hamshiralarni kasb bayrami bilan samimiy muborakbod etamiz! Sizlarga mustahkam sog‘liq, oilaviy baxt, kasbiy muvaffaqiyat va sharafli faoliyatingizda ulkan zafarlar tilaymiz!