Bayram tabrigi.

🌸8-mart – Xalqaro xotin-qizlar kuni munosabati bilan Sanepidqo'mita Xorazm viloyati Shovot tuman bo'limi boshlig'ining yurtdoshlarimizga bayram tabrigi
Hurmatli ayollar, aziz opa-singillar!

Tabiat uyg‘onib, quyosh mehr bilan nur sochayotgan shu go‘zal kunlarda sizni 8-mart – Xalqaro xotin-qizlar bayrami bilan samimiy tabriklayman! Bu bayram – ezgulik, nafosat va mehr-muhabbat timsoli bo‘lmish ayollarga bo‘lgan chuqur hurmat ifodasidir.

Sizlar nafaqat oilaning, balki butun jamiyatning tayanchi, hayotimizga mazmun va go‘zallik bag‘ishlovchi, farzandlarimizning tarbiyasi, xalqimizning salomatligi yo‘lida fidokorona mehnat qiluvchi mehribon va matonatli insonlarsiz. Ayniqsa, tibbiyot va sanitariya-epidemiologiya sohasida mehnat qilayotgan opa-singillarimizning sabr-toqati, mas’uliyati va fidoyiligi alohida tahsinga loyiq. Sizlarning g‘amxo‘rlik bilan qilayotgan ishlaringiz tufayli butun jamiyatimiz sog‘lom va osoyishta hayot kechirmoqda.

Sizga mustahkam sog‘lik, oilaviy baxt, tinchlik-xotirjamlik va kasbiy faoliyatingizda ulkan muvaffaqiyatlar tilayman! Har doim bahor nafasi, ezgu so‘zlar va samimiy tabassumlar sizni o‘rab tursin! Yuzingizdan shodlik, qalbingizdan esa quvonch arimasin!

Bayramingiz muborak bo‘lsin!

Maqsad Axmedov, 

🔰Sanitariya-epidemiologik osoyishtalik
va jamoat salomatligi Shovot tuman bo'limi boshlig‘i

Telegram (https://t.me/shovotseovasjxb) || Instagram || Facebook (https://www.facebook.com/profile.php?id=61565091835593&mibextid=ZbWKwL)