BFQ (BAD) nima?

BFQ (BAD) nima?

BAD — “biologik faol qo‘shimcha” degan so‘zlarning qisqartmasi. Ba’zan “parxez qo‘shimchalari”, “vitamin komplekslari”, “o‘simlik ekstraktlari” shaklida sotiladi. BFQlar rasmiy dori hisoblanmaydi.

Nima uchun BFQ davolovchi xususiyatga ega emas?

 ✔️ 1. Klinika sinovlardan o‘tmaydi

Dori vositalari kabi BFQlar keng ko‘lamli klinik tadqiqotlardan o‘tmaydi. Shuning uchun ularning kasallikni aniq davolashi ilmiy isbotlanmagan.

 ✔️ 2. Davolash emas, qo‘llab-quvvatlash uchun mo‘ljallangan

Ular organizmga qo‘shimcha vitamin, mineral yoki o‘simlik moddasini berishi mumkin, lekin kasallikning sababini yo‘q qila olmaydi.

 ✔️ 3. Tarkibi qat’iy nazorat qilinmaydi

Ko‘p BFQlar dorilar kabi qat’iy tekshiruvdan o‘tmagani sababli tarkib va dozalar 100% aniq emas.
 ✔️ 4. Kasallik simptomlarini yashirishi mumkin

Ba’zi qo‘shimchalar odamni vaqtincha yengil his qilishi mumkin, ammo asl kasallik davom etaveradi va hatto og‘irlashishi ham mumkin.

 BFQlar qachon yordam berishi mumkin?

Ular faqat qo‘llab-quvvatlovchi vosita sifatida:

* vitamin-mineral yetishmovchiligi
* immun tizimini yengil mustahkamlash
* umumiy holatni ko‘tarish

Ammo bu ham faqat shifokor tavsiyasi bilan.

 BFQni dorining o‘rniga ishlatish mumkinmi?

❌ Yo‘q, mumkin emas.
Hech qachon BFQni:

* infeksiya
* yallig‘lanish
* surunkali kasalliklar
* o‘tkir simptomlar

uchun dori vositasi sifatida almashtirib bo‘lmaydi.

🔰Sanepidqo‘mita Xorazm viloyati Shovot tuman axborot xizmati

Telegram (https://t.me/shovotseovasjxb) || Instagram || Facebook (https://www.facebook.com/profile.php?id=61565091835593&mibextid=ZbWKwL)