Poliomiyelit kasaligi bu nima?

📌Poliomiyelit kasaligi bu nima?

Poliomiyelit (shol kasalligi) – bu poliovirus sababli yuzaga keladigan o‘ta yuqumli kasallik bo‘lib, asosan markaziy asab tizimini zararlaydi va og‘ir hollarda doimiy falajlikka olib kelishi mumkin.
📝Poliomiyelitning sabablari va tarqalishi
Kasallik poliovirus bilan zararlangan odamning najasi yoki burun-halqum suyuqliklari orqali yuqadi. 

🔺Virus:
Ifloslangan suv yoki oziq-ovqat orqali (fekal-oral yo‘l bilan)
To‘g‘ridan-to‘g‘ri aloqa orqali tarqalishi mumkin.

🔺Poliomiyelit belgilari
Ko‘pchilik hollarda (taxminan 90-95%) virus infeksiya yuqtirgan odamlarda hech qanday alomat keltirib chiqarmaydi. Ammo ayrim hollarda quyidagi belgilarga sabab bo‘lishi mumkin:
-Isitma
-Mushak og‘rig‘i va zaiflik
-Bosh og‘rig‘i
-Ko‘ngil aynishi va qusish
-Bo‘yin va bel qismida qattiqlik

♦️Kasallik og‘irlashgan hollarda orqa miya va miyaga ta’sir qilib, doimiy falajlik yoki hatto o‘limga olib kelishi mumkin.

❗️Poliomiyelitning oldini olish
Poliomiyelitning oldini olishning eng samarali usuli vaksinatsiya hisoblanadi. 
Bunga:
OPV (og‘zaki poliovirus vaksinası) – tomchi shaklida beriladi
IPV (inaktiv poliovirus vaksinası) – igna orqali mushakka yuboriladi

✅Poliomiyelitni butkul yo‘q qilish maqsadida dunyo bo‘ylab JSST (Jahon sog‘liqni saqlash tashkiloti) tomonidan emlash dasturlari olib borilmoqda.

Telegram (https://t.me/shovotseovasjxb) || Instagram || Facebook (https://www.facebook.com/profile.php?id=61565091835593&mibextid=ZbWKwL)