" Sariq kasalligi" qanday kasallik

"SARIQ KASALLIGI" QANDAY KASALLIK?

Aholi orasida "Sariq kasalligi" nomi bilan yuritiladigan virusli gepatit A kasalligi jigarning jarohatlanishi bilan kechadigan yuqumli kasallikdir.


🔰Virusli gepatit A – bu o‘tkir yuqumli jigar kasalligi bo‘lib, qo‘zg‘atuvchisi gepatit A virusi hisoblanadi. Dunyo bo‘ylab har yili o‘n millionga yaqin odam ushbu kasallikka chalinadi. Asosan 14 yoshgacha bo'lgan bolalar ko‘proq kasallanadi.
Gepatit A — kasallikning eng ko‘p uchraydigan, ammo boshqalariga nisbatan xavfsizroq turi hisoblanadi. U deyarli doim o‘tkir kechadi.
Gepatit A kasalligini yuqish yo'llari:

🙌 kir qo'llar;

🍎 yuvilmagan mevalar;

🍽 umumiy idish-tovoq;

🚰 ichimlik suvi;

🏊‍♂ ifloslangan suvda cho'milish.

Kasallik aksariyat hollarda quyidagi belgilar bilan namoyon bo'ladi:

● holsizlanish 

●  isitma

● shamollash belgilari

● ishtaxa yo'qolishi

● qorinda kuchli og'riq

● ko'ngil aynishi, qusish

● ko'z shilliq qavati, badan terisi, siydik sarg'ayishi kabi belgilar kuzatiladi.

🦠Kasallikning vaqtida aniqlanmasligi va dori vositalaridan o'rinsiz foydalanish jigar faoliyatining buzilishlari bilan kechadigan og'ir asoratlarga olib kelishi mumkin.  Shuning uchun, virusli gepatit A kasalligini davolash faqat shifokor tavsiyasiga asosan shifoxona sharoitida o'tqazilishi kerak!

💉Yuqumli virusli gepatit A kasalligini oldini olishda eng samarali himoya vositasi bu ➖VAKSINA BILAN EMLASHDIR!

VAKSINATSIYA ➖FARZANDINGIZ SOG'LIG'INI ASRAYDI.

Telegram (https://t.me/shovotseovasjxb) ||  Instagram (https://www.instagram.com/sanepid_shovot?igsh=MXV0OXByczY3bG1sNA==) || Facebook (https://www.facebook.com/profile.php?id=61565091835593&mibextid=ZbWKwL)