TA’LIM MUASSASALARIDA KASALLIKLARNING TARQALISHINI OLDINI OLISH VA SOG‘LOM MUHITNI TA’MINLASH CHORA-TADBIRLARI

🎥#bilasizmi

TA’LIM MUASSASALARIDA KASALLIKLARNING TARQALISHINI OLDINI OLISH VA SOG‘LOM MUHITNI TA’MINLASH CHORA-TADBIRLARI

Ta’lim muassasalari (maktablar, МТТlar, litseylar va boshqalar) tarbiyalanuvchilari hamda o‘quvchilari orasida yuqumli va yuqumli bo‘lmagan kasalliklarni tarqalishi va ko‘payishini oldini olishga qaratilgan asosiy chora-tadbirlar va sanitariya-gigiyena talablari quyidagilar hisoblanadi:

1. Yaratilgan gigiyenik sharoitlar va muhit: 

✅Ventilyatsiya va havoning tozaligi: 
Sinfxona va o‘quv xonalar muntazam shamollatilishi, havoning namligi va harorati sanitariya me’yorlariga mos bo‘lishi lozim.

✅Yoritish: 
Tabiiy va sun’iy yoritish me’yorga mos bo‘lishi lozim. Kam yoritilgan xonalar ko‘z charchog‘iga olib keladi va immunitetni zaiflashtirishi mumkin.

✅Shovqin va vibratsiya: 
Ta’lim jarayoni shovqinsiz muhitda tashkil qilinishi, ortiqcha ovoz va tebranishlar bolalarning asab tizimiga salbiy ta’sir ko‘rsatmasligi kerak.

2. Shaxsiy va jamoat gigiyenasi:

✅Qo‘l gigiyenasi: 
O‘quvchilar qo‘l yuvish madaniyatiga o‘rgatilishi kerak. Ayniqsa, ovqatlanishdan oldin va hojatxonadan keyin.

✅Maxsus gigiyenik vositalar:
Ta’lim muassasalarida sovun, bir martalik qog‘oz salfetkalar yoki quritish uskunalari bo‘lishi shart.

✅Maktab formasi va shaxsiy gigiyena: 
O‘quvchilar toza va talabga muvofiq kiyinishi kerak. Uzoq vaqt bir xil kiyim kiyish teri kasalliklariga sabab bo‘lishi mumkin.

✅Ovqatlanish gigiyenasi: 
Maktab oshxonasi sanitariya talablariga mos bo‘lishi, foydalaniladigan mahsulotlar sifatli va xavfsiz bo‘lishi kerak.

3. Yuqumli kasalliklarning oldini olish:

✅Vaksinatsiya: 
Bolalar davlat tomonidan belgilangan emlashlardan o‘tishlari kerak.

✅Izolyatsiya va nazorat: 
Og‘riq alomatlari bo‘lgan bolalar darhol maktab jamoasidan ajratilishi va tibbiy ko‘rikdan o‘tkazilishi kerak.

✅Sinf va xonalarni dezinfeksiya qilish: 
Maktab joylari muntazam tozalanishi, yuza va anjomlar dezinfeksiya qilib turilishi kerak.

✅Xonalarda nam tozalash: 
Har kuni namlik bilan tozalash ishlari olib borilishi lozim.

4. Toza va jihozlangan hojatxonalar: 

✅Maktab va MTTlarda sanitariya uzellari ishchi holatda bo‘lishi, muntazam tozalanib turilishi kerak.

✅Suv ta’minoti: 
Ichimlik suvi bilan doimiy ta’minlangan bo‘lishi shart.

5. Psixologik va jismoniy sog‘liqni qo‘llab-quvvatlash:

✅Jismoniy faollik: 
Maktab o‘quvchilari uchun jismoniy tarbiya darslari sanitariya-gigiyena normalariga muvofiq tashkil qilinishi kerak.

✅Ortiqcha stress va yuklamalar: 
Oqilona o‘quv jadvali tuzilishi, bolalarning jismoniy va ruhiy salomatligini inobatga olish kerak.

Bu talablar ta’lim muassasalarida bolalarning sog‘lom muhitda ta’lim olishini ta’minlash va kasalliklarning oldini olishda asosiy rol o‘ynaydi.