Qrim Kongo gemorragik isitma

‼️ Qrim Kongo gemorragik isitma 

🔰Qrim-Kongo gemorragik isitma (QKGI) – bu virusli infeksiya bo‘lib, Nairovirus turkumiga mansub virus sababli kelib chiqadi. Ushbu kasallik asosan tashuvchilar orqali yuqadi. 

📌Quyidagi asosiy yuqish yo‘llari mavjud:

▪️Hasharotlar (kanalar) orqali – Kasallikni asosan Hyalomma urug‘iga mansub kanalar yuqdiradi. Kananing chaqishi orqali virus inson tanasiga tushadi.

▪️Kasallangan hayvonlar bilan aloqa orqali – Qon yoki tana suyuqliklari orqali yuqqan hayvonlar (mollar, qo‘ylar, echkilar) bilan ishlovchilar (dehqonlar, chorvadorlar, veterinariya xodimlari) xavf ostida bo‘ladi.

▪️Kasallangan odamdan sog‘lom odamga yuqishi – QKGI odamdan odamga qon, tupurik, qusindi, siydik va boshqa tana suyuqliklari orqali yuqishi mumkin. Shifokorlar, hamshiralar va bemorlarga qarovchilar yuqish xavfi yuqori bo‘lgan guruhlardir.

▪️Laboratoriya infeksiyasi – Virus bilan ishlaydigan laboratoriya xodimlari ehtiyotsizlik natijasida kasallanishi mumkin

⚡️Bu kasallikning oldini olish uchun kana chaqishidan himoyalanish, shaxsiy gigiyena qoidalariga rioya qilish, kasallangan hayvonlar bilan ehtiyotkorona muomala qilish va tibbiyot xodimlari uchun maxsus himoya vositalaridan foydalanish muhimdir.

Telegram (https://t.me/shovotseovasjxb) || Instagram || Facebook (https://www.facebook.com/profile.php?id=61565091835593&mibextid=ZbWKwL)